Alex Zeeman is bekend as ’n koue, ongenaakbare man wat op ander mense trap om sy doel te bereik en vroue net as afleiding gebruik.

Op pad Johannesburg toe vanaf die Kaap doen Alex noodgedwonge by ’n gastehuis aan. Tot sy verbasing is die eienares iemand wat hom baie goed ken en hom met openlike vyandigheid behandel. Vicky was Jacoba Strydom se grootmaakkind.

Agt jaar tevore was Alex en Vicky verlief en vasbeslote om te trou, ten spyte van sy skatryk ouers se teenkanting. Op pad na haar toe was hy egter in ’n ernstige motorongeluk en het ses maande lank in ’n koma gelê.

Toe hy uiteindelik herstel, kon hy Vicky nêrens opspoor nie. Nou hoor hy dat sy dood is, maar wat hom nog meer skok, is dat sy swanger was en hulle seuntjie aangeneem is.

Nadat Jacoba hom vertel dat die kind deur Trudie en Wessel Coertzen van Pretoria aangeneem is, neem Alex hom voor om sy kind teen elke prys op te spoor.