Vasgevang saam met die rockgroep, die Wilders, moet beide Lorinda en Gareth – die leier van die rockgroep – die waarheid probeer verwerk, al bring dit op die uiteinde net hartseer en verdriet.

Lorinda de Waal se eens lieftallige man is deur drank verander in ’n monster. Haar nagmerriehuwelik eindig uiteindelik in ’n tragedie waarin Chris en haar ongebore baba sterf.

Gustav Brink is daar om die stukke op te tel, maar selfs hy kan niks doen aan die diep depressie waarin Lorinda verval het nie. Uiteindelik laat hy haar gaan sodat sy weer haar lewe kan opbou.

Die pad na heling kry egter weer ’n knou toe sy onverwags met haar verlede gekonfronteer word. Gareth Banning krap nie net ou wonde oop nie; hy plaas die blaam vir Chris se dood vierkantig voor Lorinda se deur.

Vasgevang saam met die rockgroep, die Wilders, moet beide Lorinda en Gareth die waarheid probeer verwerk, al bring dit op die uiteinde net hartseer en verdriet.