Andolene Myburgh word deur haar tweelingsuster, Charlene, oorreed om aan die Mejuffrou Ultima-skoonheidskompetisie deel te neem.

Gedurende die finale week ontmoet sy Lincoln Ray, die berugte rockster wie se reputasie hom vooruitloop. Agter die verhoognaam ontdek sy egter die ware Heinrich Malan.

Terwyl hulle gevoelens vir mekaar groei, word Andolene se lewe onverwags omvergewerp toe sy die kompetisie wen en skielik in die kollig beland.

Charlene se jaloesie en woede neem gevaarlike afmetings aan, terwyl Heinrich se verbintenis met Nicky Schultz nuwe spanning veroorsaak.

Wanneer geheime aan die lig kom en tragedies toeslaan, moet Andolene besluit of liefde die prys werd is.

Skoonlief en die Rockster is 'n romantiese verhaal vol musiek, tweede kanse, humor en die ontdekking dat ware liefde veel dieper kyk as roem.