Tien jaar na hul egskeiding word Moeschke Lategan se grootste vrees bewaarheid toe Brink weer onverwags terug is in Suid-Afrika.

Moeschke verhuis Boland toe in die hoop dat sy en Brink nooit weer paaie sal kruis nie. Die noodlot bepaal egter anders.

Al die ou seer, verwyt en onverwerkte gevoelens steek weer kop uit wanneer Brink onverwags in haar lewe verskyn.

Brink ontdek boonop dat hy 'n dogter het – Amoré – van wie hy nooit geweet het nie. Skielik moet albei leer om met die verlede én die hede saam te leef.

Helen, die vrou vir wie Brink destyds Moeschke verlaat het, is glad nie bereid om Amoré deel van Brink se lewe te laat word nie. Haar jaloesie dreig om almal se geluk te vernietig.

Intussen begin die aantreklike Hannes Lottering al hoe nader aan Moeschke beweeg. Maar wanneer die grootste krisis van haar lewe aanbreek, moet sy besluit waar haar hart werklik lê.