Marnitz Meyer, hoof van die ongevalleafdeling van ’n Johannesburgse hospitaal, het grootgeword in moeilike omstandighede.

Hy is die seun van ’n man wat as misdadiger gesterf het en ’n ma wat tien jaar tronkstraf uitgedien het ná ’n tragiese skietinsident. Daarom leef hy teruggetrokke en vermy hy persoonlike verhoudings.

Wanneer hy vir Jankie Bekker ontmoet, ’n toegewyde polisievrou wat haarself gereeld in gevaarlike situasies bevind, ontstaan daar onmiddellik spanning én aantrekkingskrag.

Marnitz begin besef dat hy nie langer sy gevoelens kan wegsteek nie, maar die oomblik wanneer hy sy familiegeskiedenis moet erken, word hy deur Jankie se ouers verwerp.

Jankie is nie bereid om die verhouding prys te gee nie, totdat sy tot die skokkende ontdekking kom dat daar moontlik ’n familieverwantskap tussen hulle bestaan.

Sal liefde sterk genoeg wees om die waarheid en die verlede te oorwin?